ده‌رمانی دێكسامیثاسۆن بۆ كۆڤید-19 !
ده‌رمانی Dexamethasone ناسراو به Dexpak له گروپی كۆرتیكۆستیرۆیده‌كانه
كه بۆ كه‌مكردنه‌وه‌ی هه‌وكردن و كاریگه‌ری
وه‌ڵامدانه‌وه‌ی بهرگری جه‌سته به‌كاردێن
بۆچی به‌كاردێت ؟
* به‌كارده‌هێندرێ بۆ چاره‌سه‌ری هه‌وكردنی ( پێست ، رۆماتیزم ، هه‌ستیاری
، شێرپه‌نجه ، گیرانی بۆڕییه هه‌واییه‌كانی سییه‌كان ، له‌گه‌ل ئه‌نتیبایۆتیك به‌كارده‌هێندریت
بۆ چاره‌سه‌ری نه‌خۆشی سیل )
* له‌كاتی دووگیانی : بۆ ڕێگری گرتن له گه‌وره‌بوونی ڕژینی ئه‌دریناڵ له كۆرپه‌كه ، وه هاندانی گه‌شه‌كردنی كۆرپه‌له .
* چاره‌سه‌ری نه‌خۆشییه‌كانی به‌شی سه‌ره‌وه‌ی كۆئندامی هه‌ناسه : بۆ خێرا چاكبوونه‌وه له ڤایرۆسه‌كان .
* هێڵنجدان و ڕشانه‌وه : دوای نه‌شته‌رگه‌ری ده‌درێت به نه‌خۆش .
* چاره‌سه‌ری ناله‌بارییه‌كانی رژێنه‌كان : وه‌ك addison's disease ، قه‌ده‌غه‌ی زیاد ده‌ردانی هۆرمۆنی ACTH له‌و كه‌سانه‌ی كه گه‌وره‌بوونی ڕژێنی ئه‌ندریناڵیان هه‌یه كه نه‌خۆشییه‌كی زگماكییه .
چۆن كار ده‌كات ؟
دێكسامیثاسۆن ده‌به‌سترێ به وه‌رگری
ستیرۆیدی له ناوكی خانه ، وا له خانه ده‌كات كه ئه‌و پرۆتینانه دروست بكات كه
قه‌ده‌غه‌ی چوونی خرۆكه‌سپییه‌كان ده‌كه‌ن
بۆ شوینی هه‌وكردنه‌كه ...
سه‌ره‌نجام
ده‌بێته هۆی چالاككردنی (دامركێنه‌ری بهرگری جه‌سته – immune suppressor
) و میكانیزمی دژه هه‌وكردن .
كاریگه‌رییه لاوه‌كییه‌كانی چین ؟
( ئازاری گه‌ده ، سه‌رئێشه ، تیكچوونی سوری مانگانه ، زیپكه ، وشكبوونی پێست ، ناڕێكی بینین ، زیادبوونی ئاره‌زووی خواردن ، زیادبوونی كێش ، سه‌رسوڕان )
په‌یوه‌ندی به كۆڤید-19 چییه ؟
كۆڤید-19 ده‌بێته هۆی كۆكردنه‌وه‌ی برێكی
زۆری سایتۆكاین به‌تایبه‌ت IL-6 له‌ناو سییه‌كان كه به‌رپرسه له زیادكردنی هه‌وكردن
له‌ناو سییه‌كان به‌هۆی وه‌ڵامدانه‌وه‌ی بهرگری جه‌سته، به‌مه‌ش شله‌یه‌كی زۆر كۆده‌بیته‌وه . دێكسامیثاسۆن ڕێژه‌ی ده‌ردانی سایتۆكاینه‌كان
بۆ سییه‌كان كه‌مده‌كاته‌وه .
دێكسامیثاسۆن له‌لایه‌ن
randomized Evaluation of
COVID-19 Therapy , RECOVERY trial له زانكۆی ئۆكسفۆردی به‌ریتانیا ده‌ستنیشان
كراوه بۆ تاقیكردنه‌وه( trial )
سه‌ره‌نجام
1/3
مردنی كه‌مكردووه‌ته‌وه له‌سه‌ر ئه‌وانه‌ی هه‌ناسه‌دانی ده‌ستكردیان بۆ
كرابوو .
1/5
مردنی ئه‌و كه‌سانه‌ی كه‌مكردووه‌ته‌وه كه ئۆكسیجینیان بۆ دانرابوو .
هیچ سوودیكی نه‌بووه بۆ ئه‌وانه‌ی كه
پێویستیان به ئۆكسجین و هه‌ناسه‌دانی ده‌ستكرد نه‌بووه .
تێبینی : ئه‌م ده‌رمانه له‌لایه‌ن FDA ، WHO ده‌سه‌ڵاتی ئه‌وه‌ی پێدراوه كه به‌كاربهێنردێت
بۆ ئه‌وانه‌ی كه نیشانه‌كانیان زۆر توونده .
نوسین و ئاماده‌كردنی : شكار رێبوار
خویندكاری مایكرۆبایۆلۆجی پزیشكی
سه‌رچاوه : https://microbenotes.com/dexamethasone/?fbclid=IwAR286ZG7MaUTaq_G7R24ZStM-bt3eSofE-eFyZEl_bP9PbMIXya5LPF1C3k
لێدوانەکانی بابەت