زیانەکانی عەدەسەی چاو چین؟

پزیشکەکان هۆشداری دەدەن بە خانمان تاکو خۆیان بپارێزن و دووربکەونەوە لە ئەگەری بەکارهێنانی عەدەسی چاو.

لە بازنەی بەکارهێنانی کەرستەکانی جوانکاری لە لایەن خانمان بە تایبەتیش بەکارهێنانی عەدەسەی چاو، وەکو دیارە بەکارهێنانی عەدەسەی پلاستیکی چاو بەکاردێت بۆ گۆرینی رەنگی چاو و رووخسارێکی جوانتر، بێگومان لەگەل جوانیەکەشی کۆمەلی زیان بەدوای خۆی دەهێنێت.

لە بارەی زیانەکانی عەدەسەی چاو پزیشکەکان ئاماژە بە چەند خالێکی گرینگ دەکەن وەکو:

١- هەندێجار لە کاتی بەکارهێنانی عەدەسە لەوانییە ببێتە هۆی رووشانی خانەکانی چاو بەهۆی بەرکەوتنی نینۆک.

٢- زۆر مانەوەی عەدەسە لەسەر چاو دەبێتە هۆی کزبوونی چاو لە کۆتایش کوێربوونی بەدوادێت، چونکە ئەم پارچە پلاستیکە رێگری دەکات لە گەیشتنی بری تەواوی ئۆکسجین بۆ بیلبیلەی چاو.

٣- لە ئەگەری بەکارهێنانی عەدەسە ئەبێت وریایی بەکارهێنانی دەرمانیش بیت، چونکە هەندی لە دەرمانەکان دەبێتە هۆی دروست بوونی هەستیاری لە چاو، وەکو دەرمانی رێگری لە منال، دەرمانی ئەسپرین

٤- ئاگاداری ئەم شلەیە بە کە عەدەسەکەی تێدا هەلدەگریت، لە ئەگەر تێکچوون و بەسەرچوونی ئەم شلەیە رەنگە پیسببێت بە میکرۆب بەمەش کێشە بۆ چاو دروست دەکات.

٥- واباشترە عەدەسەی چاو لە ئاریشگاکان دانەنرێت و بەکارنەهێنرێت، چونکە لەوانییە ماددە کیمیایەکانی لەسەر بنیشێت بەمەش زیانی گەورە بە چاو دەگەیێنێت.

٦- لە کاتی گەرماو و مەلەوانیدا بەکارهێنانی عەدەسە زیانێکی یەکجار زۆر بەر چاو دەگەینێت، چونکە ئاوەکە رێژەیەکی زۆری کلۆر تێداییە بەمەش راستەوخۆ کاریگەری لەسەر پلاستیکەکە دروست دەکات و دەبێتە هۆی خوران و سووربونەوەی چاو.

 

٧- ئەو خانمانەی عەدەسە بەکاردێنن دەبێت خۆیان بە دوور بگرن لە کەسی جگەرەکێش، چونکە دووکەلی جگەرە کارلێک لەگەڵ پلاستیکەکە دەکات و دەبێتە هۆی رووشانی چاو.